Schluein Glion drova in punct per la promoziun ella 2. ligia regiunala

El campiunadi da ballapei regiunal ein aunc duas rundas d’absolver. Aschia era ella 3. ligia nua che Schluein Glion sesanfla sigl emprem plaz cun sis puncts avantatg sin Mels. El giug da dumengia suentermiezdi ordeifer encunter Domat tonscha in punct alla squadra dalla Foppa per segirar definitivamein igl emprem rang. Quel garantess a Schluein Glion lu era la promoziun ella 2. ligia regiunala.

La stagiun 2021/22 ha Schluein Glion dau la davosa ga il campiunadi dalla 2. ligia regiunala. Suenter la relegaziun ha l’equipa contonschiu ils davos treis onns mintga ga il secund plaz final ella 3. ligia. Sco ei vesa ora duess igl emprem rang reussir uonn.