Fundar uniun e baiver aperitiv
La proxima gievgia vegn fundà a Turitg l’uniun «Ambassada Rumantscha Turitg» (ART). Envidads a la radunanza da fundaziun sajan tuts interessads – Rumantschs e Rumantschas ubain amis da la quarta lingua, di Remo Pfister. El sa metta a disposiziun ensemen cun Livio Cathomen sco co-president per la nova uniun.
Ils statuts èn gia semtgads e reglan l’intent sco suonda: «L’uniun intenda da promover la lingua, cultura ed identitad rumantscha en la regiun da Turitg. Per quest intent maina ella in center d’inscunter e da cultura, che serva a la cuminanza rumantscha sco lieu da barat, da furmaziun, da contact sco era per activitads culturalas e socialas.»
La radunanza da fundaziun dals 18 da zercladur cumenza a las 18.00 en la Schaub Maler SA, Hofackerstrasse 33 a Turitg. Suenter datti in aperitiv.
Cun quest link èsi pussaivel d’annunziar ina commembranza u la participaziun a la radunanza da fundaziun: https://forms.cloud.microsoft/e/i9vZzHLJ9z?origin=lprLink
Gust da leger dapli?