I dà ün cumbat electoral pel presidi

A Zernez daraja ün cumbat electoral pel presidi cumünal in settember 2026. Fadri Guler da Brail ha annunzchà il cumanzamaint da quist’eivna ch’el candidescha üna seguonda jada, sco ch’el ha confermà invers RTR, davo ch’el vaiva eir infuormà ils mezs da massa in lündeschdi.

Fingià pro las ultimas tschernas dal 2020 vaiva Fadri Guler candidà, però sainza success. Lura vaiva Domenic Toutsch fat la cuorsa pel presidi. Il president cumünal da Zernez in uffizi less gnir reelet als 17 settember 2026 per ün’ulteriura perioda d’uffizi, quai insembel culs ulteriurs suprastants. (cdm/rtr/fmr)