Dus grischuns tranter ils sis nominads
Da sis nominaziuns per il Prix Montagne 2026 derivan duas dal Grischun. La giuria, sut la direcziun da l’anteriur passlunghist Dario Cologna, nominescha tranter auter il Center da sanadad Engiadina Bassa a Scuol e la manufactura da bischutaria «Dolceperla Gioielli» a Poschiavo.
En tut sajan vegnids inoltrads quest onn 42 projects, ha la giuria scrit questa mesemna en sia communicaziun. Ils sis projects nominads derivian da tuttas regiuns linguisticas da la Svizra.
Ils 3 da settember 2026 vegn enconuschent, tgi dals sis nominads che gudogna. Il premi principal, il Prix Montagne, è dotà cun 40 000 francs, il premi dal public cun 20 000 francs. Cun quests premis vegnan onuradas persunas u manaschis innovativs che promovan la multifaradad economica en las regiuns da muntogna, saja quai en l’agricultura, en il turissem u en l’economia privata. L’onn 2025 era il premi ì a la Chamanna Cluozza a Zernez. (cdm/fmr)
Gust da leger dapli?