Laschà l’auto simplamain en il lai

Curt avant las 7.00 ha la Polizia chantunala grischuna survegnì l‘annunzia ch’in auto saja a Tavau en l’aua dal lai. La patruglia ch’è partida ha chattà in auto da persunas en vischinanza da Höhwald per part en il lai. L’autist n’era betg là. La polizia ha dentant chattà il Spagnol. Ils scleriments han demussà che quel era ì curt suenter las 1.00 la notg cun ses auto tar la plazza da gril per festivar là vinavant cun collegas il titel da champiun mundial da la squadra spagnola da ballape. El vuleva manar ulteriura biera ed è arrivà cun l’auto en il lai. Ils amis han empruvà ensemen cun el da salvar l’auto or da l’aua, ma quai n’è betg gartegià. Uschia èn els turnads a chasa. In test da fladada tar l’autist è stà positiv ed el ha stuì dar in‘emprova da sang e dad urin.