20avel Festival da teater en il Castelmur

Dals 23 fin als 25 da fanadur 2026ha lieu en il Palazzo Castelmur a Stampa il 20avel Festival di teatro. «Igl è in festival ch’è adattà per in public pluriling e da tut las vegliadetgnas», scrivan Piera Gianotti Rosenberg e Emanuel Rosenberg dal comitè d’organisaziun en lur communicaziun als meds d’infurmaziun. Qua mo per mintga di in punct dal program: Gievgia, ils 23 da fanadur, a las 20.15: il teater «Era una notte buia e tempestose» da Lazzi di Luzzo e Giullardi di Gulliver (CH). Venderdi a las 19.00 «Canzoni di amore, ozio e abbandono» cun il Duo Aguasvivas (IT/AR). E sonda a las 20.15 ina proposta per uffants: «In Petto» cun il clown Okidok (BE). Il program cumplet chattan ins sin la pagina d’internet www.festivalcastelmur.ch.