Idea per nov chor maschadà
Il settember duai vegnir fundà il Chor maschadà Grischun Zug e conturn. Ils iniziants tschertgan chantaduras e chantadurs interessads. Fatg emprova vegn duas giadas il mais a partir da l’avust fin il matg. Planisà èsi da chantar era chanzuns rumantschas. Ma ch’i na saja betg premissa da savair rumantsch, scrivan ils iniziants sin lur flyer. Ils texts da las chanzuns possian ins emprender tgunsch.
Il schaner passà è il Chor Rumantsch Zug vegnì schlià suenter bunamain 80 onns. Tenor ils iniziants deploreschian blers la fin dal chor viril: «Igl è in grond giavisch da tgirar e derasar vinavant la cultura da chant rumantscha tradiziunala ed er actuala a Zug e conturn.» Dapli infurmaziuns davart il nov chor dattan Pius Cavelti e Gion Peder Uffer.
Gust da leger dapli?