Il pli char bogn – la Obere Au a Cuira
12.00 francs custi a far bogn en la Obere Au. Il bogn da Cuira è uschia il pli char dals 14 bogns averts che la Protecziun da consuments ha prendì sut la marella en l’entira Svizra. Ils pli favuraivels bogns èn il Marzili a Berna u il Seeliken a Zug, nua che l’entrada è perfin gratuita.
Era puncto pretschs per in glatsch d’aua sa chatta l’Obere Au cun 2.50 francs plitost tranter ils bogns chars. Ils pretschs varieschan tranter 1.50 fin 3.00 francs en ils bogns examinads. Per in mez liter aua minerala ston ins pajar a Cuira 4.50 francs, en ils auters bogns tranter 3.50 e 6.00 francs.
«La midada da clima s’avanza e porta er en l’avegnir chaliras e temperaturas extremas», admonescha Sara Stalder da la Protecziun da consuments: «Tant pli impurtant èsi che tuts possian sa prestar da sa rinfrestgar durant in di da chaliras. Sco che nossas examinaziuns mussan, po in di en in bogn avert svelt daventar fitg char per ina famiglia.»
Er il Tages-Anzeiger ha publitgà il mardi ina retschertga che ha examinà 33 bogns. Là figurescha il Lag la Cauma a Flem sco il pli char bogn cun 18.00 francs per l’entrada per ina persuna creschida.
Gust da leger dapli?