Baderlada davart Sanadura

Il «Forum democrazia directa» invida prossem mardi ad üna discussiun davart il «provedimaint da sandet e da democrazia directa in Engiadin’Ota», scu chi’d es scrit in l’invid. Tema da la discussiun saron las cunvegnas da prestaziun cha la Sanadura ho stipulo per sgürer il provedimaint da sandet in Engiadin’Ota fin l’an 2029, davart las quelas il suveraun decida als 27 settember a l’urna. Impü gnaro tematiseda eir la dumanda cu cha la furmaziun d’opiniun resta pussibla pellas votantas e’ls votants tar üna dumanda cumplexa. Annunzchedas per la discussiun s’haun ­Selina Nicolay, presidenta da la SGO, Barbara Aeschbacher, ­cusgliera administrativa da la Sanadura ed Isabel Wenger, par­sura dal cussagl da sandet da la Sanadura. Modero vain la discussiun dal schurnalist Jakob Fuchs chi rapreschainta il «Forum democraziua directa». (cdm/fmr)