Commemoraziun ecumena per las victimas da l’incendi

L’incendi catastrofal dals 21 d’avust 2026 a Tusaun ha tutgà profundamain blers umans. Ella ha laschà enavos a confamigliars, pertutgadas ed in’entira cuminanza cun cordoli e consternaziun. La plaiv catolica Tusaun,  la plaiv refurmada Tusaun-Masein e la vischnanca da Tusaun envidan mesemna, ils 26 d’avust a las 19.00 en la baselgia catolica da Tusaun ad ina commemoraziun ecumena. «En quest mument difficil vulain nus star ensemen sco cuminanza ed ans regurdar als umans ch’èn morts en l’incendi», legian ins en l’envid.

La notg sin venderdi passà èn mortas a Tusaun tar in incendi en ina chasa da pliras abitaziuns quatter persunas, otg persunas èn vegnidas blessadas. La raschun da l’incendi vegn intercurida.