Exposiziun da maletgs da Laurenzia Cajacob

Venderdis, ils 4 da settember 2026 allas 19.00 ha liug la vernissascha da maletgs da Laurenzia Cajacob el Center Aua Viva a Mustér. «La natira e siu iert ein per ella ina fontauna d’inspiraziun nundetga. Flurs, cuntradas e la bellezia dallas stagiuns sereflecteschan adina puspei en sias ovras», scriva la Fundaziun Tür auf – mo vinavon en ina communicaziun allas medias. Laurenzia Cajacob che viva a Mustér lavura cun colurs d’acril. Cun bia pazienzia, carezia pil detagl ed in fin sensori per colurs neschan maletgs che tuccan ed envidan da reflectar. L’exposiziun colligia igl art cun in bien intent: Igl entir recav dalla vendita dils maletgs va en favur dalla Canorta Lumpazi e sustegn la sanaziun dalla plazza da giug da quella.