La fusiun dallas pleivs evangelicas ei sin buna via

Tschun dallas sis pleivs evangelicas dalla Foppa ch’intendan da fusiunar alla Pleiv evangelica reformada Foppa, acceptan la fusiun che duess ir en vigur cugl emprem da schaner 2027. Sco quei ch’il commember dalla gruppa da project, Martin Gabriel ha detg sin damonda dalla FMR, ein ils resultats stai clars cun excepziun da quel dalla pleiv da Vuorz. Tonaton ha era Vuorz detg gie alla fusiun cun 18 GIE encunter 13 NA. Clars resultats en favur dalla fusiun ha ei dau tier las pleivs da Duin, Glion, Pitasch e Castrisch/Riein/Sevgein. Las decisiuns dallas tschun pleivs ein curdadas ils davos diesch dis. Oz, gievgia, decida la pleiv evangelica da Luven aunc davart la fusiun. (fmr)