Spassegiada culturhistorica a Surrein e Cavorgia

El rom dil program da giubileum da 700 onns vischins da Tujetsch ha liug sonda, ils 5 da settember 2026 in’ulteriur arranschament. Quel meina a Surrein-Cavorgia ed entscheiva allas 14.00 a Surrein. La spassegiada culturhistorica da Surrein a Cavorgia vegn cumbinada cun informaziuns davart la historia da Surrein, il svilup da Cavorgia e Cavorgia Sura, la geografia e la structura dil territori. Igl arranschament vegn cumpletaus cun detgas dalla Val Tujetsch e la viseta dallas capluttas. Ella caplutta da s. Leci vegn la fin finala mussau in film historic. Igl ei il davos film cul scribent Vic Hendry. Silsuenter offerescha la vischnaunca da Tujetsch ch’organisescha igl arranschament, ina marenda a Cavorgia/Il Plaun.