Ina persuna blessada tar incendi

Sonda suentermezdi hai dà a Tusaun in incendi en in’abitaziun. Vers las 15.00 ha in vischin observà ch’i ardeva en in’abitaziun sin la quarta etascha dad ina chasa da pliras famiglias a Tusaun. El ha alarmà la centrala operativa da la Polizia chantunala dal Grischun. Ils 38 pumpiers da Tusaun, Mantogna e Cazas han immediatamain evacuà tut las abitantas ed abitants or da la chasa. Il fittadin da l’abitaziun che ardeva è vegnì blessà levamain. El è vegnì manà en l‘ospital da Tusaun. Ils pumpiers han gì il fieu spert sut controlla. (cdm/fmr)