Cun ün sbrai: Chatschader scurrainta ün uors

Üna saira cha’l chatschader Marco Neuhäusler n’invlidarà probabelmaing mai plü – el ha inscuntrà ün uors in lündeschdi saira. Sün seis post tanter Susch e Zernez ha l’hom da 33 ons gnü contact cun la bes-cha da rapina. Cun in sbrai ha el rendü attent a sai svess e l’uors s’ha fat our da la puolvra. Tenor l’Uffizi da chatscha e pes-cha es quai l’agir correct cun inscuntrar ils uors. Star salda, sbragir e cur cha l’uors es davent, annunzchar l’inscunter al guardgiasulvaschina. Quai per che l’uffizi saja infuormà e possa eventualmaing reagir a la situaziun.