«Actualmaintg è chegl anc en misteri»

Corsin Demarmels: Igl muteiv principal, pertge tgi nous ischan nias activs, èn las nossas novas uniformas. Per pudeir finanztgier chellas duvrainsa anc en po daners.

I stuess eir bler fallo sch’ins na faschess nign gudogn. La cundiziun è simplamaintg tg’ins vegia uniuns avonda tgi sa participeschan. Inizialmaintg vainsa gia ena participaziun pitost modesta. Ma cun far reclama ischans rivos la fegn finala tar 21 uniuns – chegl tg’è an sasez mengia bler per en de. Ideal fissan forsa 18. Nous vagn ossa 21 e chegl monta radond 670 musicants e musicantas. E vetiers vign anc igl auditori. Pinavant faschainsa er la seira ustareia da festa cun musica e nous chintagn tgi blers dalla regiun stettan er siva igls concerts. Perchegl pudainsa bagn chintar da far en bel gudogn cun antradas, giantars ed ustareia, ed er graztga a tot igls noss sponsours.

Schi nous na fissan betg pronts, alloura vessans en grond problem (rei). Nous vagn gia da curt la sagonda davosa seduta. Egna vainsa anc avant la festa. Prubablamaintg dattigl bagn anc l’egna u l’otra agitaziun u tensiun. Ma an general creia tgi nous seian bagn pronts.

Chegl tgi fò en zichel mal agl tgea è l’ora. Chella na pudainsa betg influenzar. Nous speragn fermamaintg sen bel’ora. Ma schiglio è egna dallas sfeidas franc da cattar uniuns avonda tgi sa participeschan. Tgi nous vagn ossa pitost bleras è dantant er ena sfeida, per exaimpel per elaborar igl program. Vetiers vign tgi blers digls noss commembers geidan er or ainten otras musicas e nous na vagn damai betg resursas sainza fegn. Bung è dantant tgi la prontadad da gidar è anc adegna fitg gronda ainten las nossas vischnancas. Igl è reuschia da cattar relativamaintg spert gidanters e gidantras avonda ainten la regiun.

Chegl è ena bunga dumonda. Nous na vagn betg las localitads scu ainten en li pi grond. Perchegl vignan las musicas a sunar aint ainten dus stallas. Per far la musica da concert vainsa ena bunga e bela sala, schibagn tg’ella n’è betg enorm gronda. E la tenda da festa vign ad esser sen igl plaz da ballape. Chegl funcziunescha uscheia. Ena sfeida vign chegl angal ad esser an cass da treid’ora. Alloura stuessans reager e biagier se tendas ulteriouras. En po spezial è an chel connex er, tgi na dat nigna veia guleiva a Salouf, uscheia tg’igl marschar vo anturn ena stierta. Ma chegl è per tots madem (rei).

Tar ena festa da musica districtuala vign chegl ad esser tots dus. La concurrenza n’è numnadamaintg betg schi gronda scu tar ena festa cantunala. Ma tenor me èn talas festas schon er adegna ena caschung da sa misirar e vurdar, noua tg’ins stat. La cumpagneia e la festa siva la concurrenza èn pero per franc gist schi impurtantas.

Gea, nous vagn igl noss concert la seira. Chel na vign prubablamaintg betg ad esser sen en nivel scu oters onns. Primarmaintg luvrainsa igl antier de. Nous niron er ad esser en po stanchels, cura tgi nous sunagn. Perchegl vainsa decidia da sunar tocs pi simpels, adattos agl program dalla seira.

Actualmaintg è chegl anc en misteri (rei). La nossa uniun è ancunaschainta siva da 27 onns cun la madema uniforma. Perveia dalla pareta vessan nous betg anc stuia ramplazzar chella. Igl problem è dantant tgi nous na vagn betg ple material avonda per mantigneir ella. La gronda dumonda arisguard la nova uniforma è franc, cun tge calour da cravattas e soccas tgi nous ans preschentagn aint igl avigneir. Anfignen ossa eran chellas numnadamaintg pincas e quasi ena caracteristica dalla nossa musica. I vign an mintga cass a dar ena surpresa.