Sentupada cun Markus Weggenmann

Dapi 35 onns sededichescha Markus Weggenmann agl art. Naschius e carschius si eis el el sid dalla Tiaratudestga, el marcau da Singen, datier dil cunfin svizzer. Gl’onn 1987 ha el mussau l’emprema gada sias ovras en in’exposiziun singula. Oz ein quellas spatitschadas en casas d’art digl entir mund. Siu stil abstract sedistingua cullas colurs e las sdremas. En sia presentaziun el casti Löwenberg a Schluein vegn el a mussar siu svilup naven dils maletgs cun sdremas tier las pli novas creaziuns cun lac d’autos ed in stil cun specias da cuntradas. «El center da mia lavur ei e stat adina la colur», declara gl’artist en sia biografia. Las claras lingias, gl’effect tridimensiunal, la glischur dallas colurs, fuormas e Gl’artist dall’annada 1953 habitescha dapi decennis a Turitg, ei oz denton savens era a Cumbel, el indichescha lu era la Lumnezia sco siu dacasa.