«Cant e calorias» ei stuschau

Per sonda, ils 8 da november 2025, haveva il Chor mischedau Ruschein envidau all’occurrenza musical-culinarica «cant e calorias». Sco quei ch’il chor communichescha ussa, ha quella buca liug. Deplorablamein stoppien ins desister dalla presentaziun muort la mort prematura d’ina cantadura dil chor, scriva il comite d’organisaziun. El renda attent che las persunas ch’ein s’annunziadas vegnien informadas pertuccont in termin da stuschada.