Caschun da s’entupar

Il gliendisdis ei il center dil vitg da Mustér staus fermamein els mauns dalla fiera da s. Martin. Per liung dalla Via Lucmagn entochen la casa communala han las exposituras ed ils expositurs offeriu alla glieud quei che vegn spitgau da quella fiera: Maruns caulds, paun piziulta, vestgadira, termagls ni era products regiunals da carn secca e caschiel entochen paun e mèl d’aviuls. La fiera da s. Martin a Mustér ei denton buca mo la caschun da far cumissiuns, mobein era quella da s’entupar. Uonn ei quell’occasiun sepurschida da bellezi’aura d’atun. (fmr/hh)