Lectura rumantscha

Trais frars ch’èn turnads

Ti enconuschas segir e franc l’istorgia fitg tipica rumantscha: La glieud banduna vitg e val per far «en il lontan» in emprendissadi u in studi. Blers na turnan mai pli – u be per far vacanzas! Ma mintgatant turnan ils «randulins» moderns per dal bun, sco per exempel ils trais frars Florinett da Scuol: Andrea, Adrian e Roman. Tuts trais han passentà divers onns giu la Bassa ed èn ussa turnads – cun partenarias e famiglias – en l’Engiadina Bassa. Ils collegas da la Posta Ladina han purtretà il trio «randulin».

Ina fusiun quasi istorica a Sagogn

Sas ti tge che collia ils dus vitgs da Valchava en Val Müstair e da Sagogn en Surselva? – Tuts dus vitgs èn istoricamain refurmads e catolics enina. A Sagogn èsi anc pli spezial ch’i deva perfin dus chors-baselgia tenor confessiun – in chor catolic ed in chor refurmà. Ma ti has legì endretg – «i deva». Uss èn ils dus chors unids ed han la pasch. Avant decennis u tschientaners fiss quai stà nunpussaivel.

Adatg a la selvaschina!

Igl è da dar coga adatg per il mument sin via. Durant quest temp, avant ch’i vegn propi l’enviern, è la selvaschina en gir. I dat plirs lieus delicats en il Grischun, nua che tschiervs e chavriels traversan gugent la via. In da quels tschancuns sa chatta tranter Bever e La Punt Chamues-ch. Mo durant l’emprima mesadad da november hai dà là quatter collisiuns dad autos cun selvaschina. E quai atgnamain bler? – Noss redactur Martin Camichel ha fatg quella dumonda a la polizia.