Lectura Rumantscha

In GEA a nagut pli

Il suveran Grischun è cleramain da l’opiniun che la regenza grischuna na dovra betg in paracrudada d’aur. El ha ditg questa dumengia NA a rentas a vita duranta respectivamain er a la cuntraproposta cun rentas limitadas. Nossa redactura va a la tschertga da respostas, daco che l’iniziativa da la Partida populara svizra cunter quellas rentas ha funcziunà uschè bain.

L’emprim Surmiran sco segund aut Svizzer

Il politicher dal Center Stefan Engler vegn elegì oz ­glindesdi sco president dal Cussegl dals chantuns. En l’intervista cun la FMR crai el dad esser l’emprim Surmiran. E pelvair, la retschertga mussa ch’el è il novavel Grischun sin quella sutga e l’emprim Surmiran.

Avieuls da davosen e davanten

Johann Clopath è in fotograf passiunà. In’exposiziun da la fin d’emna ha mussà sias fotografias plain detagls da la natira. Per pudair fotografar in avieul da davos en chargià cun pollens vi da las chommas ha il fotograf da Trin-Mulin prendì bler temp, e da fotografar in avieul da davanten anc pli gronda pazienza.

A revair e bun divertiment cun la Lectura Rumantscha!