Nadal festiv dalla scola

Varga 300 vuschs, tuttas scolaras e scolars, gl’entir team dil persunal d’instrucziun, inclus la squadra dil pedel e dalla structura dil gi sco era la direcziun dalla scola, lavuran dapi jamnas vid in program multifar per la fiasta da Nadal dalla scola. Margis, ils 16 da december 2025, allas 19.00, envida la scola da Flem ils geniturs e parents, mo era l’entira populaziun, ad in concert. Sco quei che la scola scriva en ina communicaziun, spetga ina mischeida harmonica cun canzuns festivas modernas, tradiziunalas, romontschas ed englesas. «Gl’entir program duei resplender il sentiment da cuminonza ed il maletg empalont da nossa scola», scriva la scola da Flem en siu invit. Il concert cun varga 300 vuschs, cun participaziun da pign e grond dalla scola, porschi buca mo puncts culminonts musicals. «Ella muossa era tgei forza che nescha sch’ina entira scola ei communablamein sin tribuna», aschia il meinascola Marc Cathomas.