Cuorsa liunga en cumbinaziun cun culinarica

Sonda, ils 3 da schaner 2026 ha liug per in’ulteriura ga il Nordic Culinaric. Il di cun cuorsa liunga e culinarica entscheiva cun in solver ella scrinaria da Tarcisi Maissen SA a Trun. Silsuenter vegnan ils skis da cuorsa liunga montai e gudiu la loipa da Trun en direcziun Surrein sur Fontanivas entochen Mustér. Suenter il retuorn a Trun spetga in gentar cun products regiunals sillas curridras ed ils curriders. Il scop da quei arranschament ei da guder in bi di da cumpignia senza squetsch da temps. Sco di da reserva ei sonda, ils 31 da schaner 2026 fixaus. Per l’organisaziun digl arranschament segnan ils clubs da skis Trun e Mustér sco era Nordic Surselva ed il Center sursilvan d’agricultura.