Sustegn per persunas cun impediments nunveseivels

La Viafier Matterhorn Gottard ha introduciu igl 1. da schaner 2026 il «Hidden Disabilities Sunflower»-Lanyard. Quei ei in portaclavs cun in muster d’ina flur sulegl renconuschiu internaziunalmein. El astga vegnir purtaus da persunas cun impediments nunveseivels sco autissem, tema, migrena ni difficultads d’udida. Aschia sa il persunal dalla viafier ch’ei setracta da persunas che basegnan ina conversaziun speciala. Sco la Viafier Matterhorn Gottard scriva en ina communicaziun allas medias ei quei simbol negin bigliet. El sa vegnir retratgs gratuitamein allas staziuns a Zermatt, Oberwald ed Andermatt.