Lufs da Clemgia appartegnan al tröp da Sinestra

I’l Grischun daja listess be dudesch tröps da lufs (ün da quels viva be parzialmaing sül territori dal chantun). Sco quai cha l’Uffizi chantunal da chatscha e pes-cha comunichescha, muossan las analisas geneticas cha’ls lufs observats appartegnan al tröp Sinestra.

Sün basa d’observaziuns da plüs luffins in Val Sinestra e la Val S-charl d’eira l’uffizi chantunal il prüm parti dal fat chi detta ün nouv tröp – cul nom Clemgia. Per quel nu detta uossa però ingüns indizis plü. Il tröp Sinestra quintaiva la stà passada duos lufs creschüds – e set luffins. I’l rom da la regulaziun da la populaziun da lufs vain il tröp Sinestra eliminà – fin uossa sun ses dals nouv animals sajettats.