Lectura Rumantscha

Rumantsch per tranteren

Naginas stgisas pli! – Tgi che vul emprender las basas dal rumantsch sursilvan, po dapi Nadal far quai en il tren, durant la pausa da café u sin tualetta. Pussibel è quai grazia a Rumantsch2go! che Gian-Marco Maissen ha sviluppà. Igl è in program ch’ins po duvrar era mo tranteren sin il telefonin.

In pled sin via privat

Na, quai che Maria Cavelti da Rueun fa n’ha nagin connex cun il «Pled sin via» dad RTR. Igl è però insatge sumegliant. Ella creescha curts videos, en ils quals ella raquinta da quai e da tschai. Ses «predis» divertents pon ins dentant be guardar via ils pitschens cudeschets ch’ella regala per il solit mo ad amias ed amis. En quels chattan ins numnadamain ils codes QR che mainan tar las istorgias da l’anteriura scolasta.

Tranter sutgas e bancs

A la fin perdan tuts insatge – quai è la pitra conclusiun che Maria Müller tira en vista da la dischlocaziuns da Brinzauls. Ella è ina da pliras persunas che RTR ha accumpagnà e purtretà en in’emissiun da Cuntrasts. Ed er ella è – sco tuttas e tuts da Brinzauls – sco tranter sutgas e bancs. La dumonda che mulesta vinavant è: Bandunar e spazzar – u turnar e restar?

A revair e bun divertiment cun la Lectura Rumantscha!