Tombe La Neige

Era, sche la naiv na croda quest onn betg propi uschè savens e fitg giu da tschiel, As cussegl jau tuttina da tadlar la chanzun dad Adamo: «Tombe La Neige». Ed alura anc autras chanzuns franzosas.

Mes tip numnadamin da far ina playlist cun chansons en lingua franzosa. L’idea da far ina tala playlist franzosa hai jau gì dacurt: Ins taidla savens chanzuns en lingua taliana ed emblida in pau ch’ins enconuscha era bleras chansons. Jau hai cumenzà cun «Nathalie» da Gilbert Bécaud, alura quella da la naiv dad Adamo, vinavant tar «Amsterdan» da Jacques Brel ed alura tar Édith Piaf che na s’enricla betg, fin tar «Les Champs-Élysées» da Joe Dassin e «Je t’aime moi non plus» da Serge Gainsbourg & Jane Birkin.

Ultra da chansons da p.ex. Georges Moustaki, Dalida, Charles Aznavour e Georges Brassens cussegl jau dad integrar en la playliste era chansons in zic main enconuschentas: Per exempel da Patricia Kaas «Mon mec à moi», da Les Rita Mitsouko «Les histoires d’a(mour)» che finischan mal, «en général», u dad Arno «Le Tango De La Peau». Auters interprets ed interpretas ch’ins po cussegliar èn ZAZ, Khaled u Stromae.

Pia, Vus chattais segir anc blers auters. Voilà, amusez-vous bien avec tous ces chansons! A mes avis è gia la lingua musica.