Lectura Rumantscha

Il retg da Mustér

Tge vischnanca po pretender ch’ella haja in retg sco burgais! Per esser sincer n’èsi betg in aristocrat sco il retg Charles en la Gronda Britannia u Carl Gustav en Svezia, ma il retg da Mustér n’è betg main popular che quels da las grondas chasas roialas. Uschia ha la populaziun da Mustér beneventà il venderdi passà ses retg en rotschas. Ed il retg da la lutga Armon Orlik ha cun plaschair salidà «ses pievel».

Il criticher dals gieus

Il siemi da gieus olimpics en Svizra fa puspè la runda. 2038 è la cifra magica. Dentant sco adina dattan er ils critichers d’entellir, per exempel Kaspar Schuler. Il Grischun è stà mainafatschenta da la CIPRA, la Cumissiun internaziunala per la protecziun da las Alps. Là ha el observà co che l’Italia ha empermess dad organisar gieus olimpics persistents, ma lura èsi vegni auter. Perquai ha il protectur d’ambient era ses dubis en connex cun gieus olimpics en Svizra l’onn 2038.

La doctoressa dal Surmeir

A prima vista tuna in pau paradox: Duvrar il rumantsch per emprender tudestg. Ma gist quai pretenda la dissertaziun da la Surmirana Dominique Caglia. Ella ha perscrutà co che uffants portugais che vivan en l’intschess rumantsch emprendan il meglier tudestg, perquai che là paran els d’avair in deficit. E qua vegn il rumantsch en acziun: I va meglier d’emprender pleds tudestgs cun agid dad explicaziuns rumantschas che be cun explicaziuns tudestgas. Qua sa mussia: Tgi che sa rumantsch, sa dapli.

A revair e bun divertiment cun la Lectura Rumantscha «roiala»!