Concert «Muntognas» – 100 chantadurs chantan illas quatter linguas naziunalas

In venderdi, ils 30 schner han lö a San Murezzan ed in sonda, ils 31 schner 2026 a Scuol duos concerts cul titel «Muntognas». Il cuntschaint «Choeur des Armaillis de la Gruyère» e’l «Cor dal Parc Naziunal» preschaintan üna schelta multifaria da chanzuns illas quatter linguas naziunalas. La collavuraziun dals duos cors virils es nada in basa da la chanzun «Mia muntogna», cumponüda dal 2020 da la musicista indigena Nina Mayer. Dominique Gesseney-Rappo ha in seguit arrandschà üna versiun da coro viril pel «Choeur des Armaillis de la Gruyère». Il «Cor dal Parc Naziunal» es in tschercha da quista partitura lura gnü in stret contact cul cor friburgais ed uschè s’ha sviluppada l’idea d’üna preschantaziun cumünaivla.