Lectura Rumantscha

Plasters intelligents

Tranter scheni e nar – uschia enconuscha inqual Sursilvan e Sursilvana forsa anc Tarcisi Cantieni da ses temp sin la plazza da ballape. In gieu cun Tarcisi muntava quasi adina spectacul. En sia vita professiunala predominescha per fortuna be ina da quellas duas cumponentas. Il giuven docter da tecnica en biomedischina sviluppescha numnadamain in plaster «intelligent». Ideas pli narras n’ha el entant naginas, u almain n’ha el betg tradì quellas a la FMR.

Rauba veglia en massas

Quanta rauba veglia has ti deponì en tschaler? Probablamain betg uschè blera sco quai che Rudolf Olgiati (1910 – 1995) aveva. Be in simpel tschaler «nullotgquindesch» na tanschess numnadamain betg per tut quai che l’architect cun l’egliada per l’estetica ed ideas radicalas ha ramassà a Flem e conturn. Gist 2500 objects cumpiglia per exempel la collecziun ch’è vegnida messa a salv a Trin en la chasa da cultura Ringel.

Ina scola en l’idilla

Il Grischun è in chantun plain scolas, ma pari almain. Ins chatta ellas sparpaglià in pau dapertut en claustras, citads, vitgs e sin muntognas. Uschè idillicas sco la Scoula Avrona èn dentant paucas. La Bergschule Avrona sa chatta sur Tarasp e Vulpera en in cleragl amez il guaud. E là vegn ella er a restar, almain ils proxims decennis. La Scoula Avrona ha numnadamain fatg ina sort deal durant 33 onns cun il Chantun per pudair modernisar sia infrastructura.

A revair e bun divertiment cun la Lectura Rumantscha!