Nouv atlets svizzers da la partida – eir dal Grischun

Ils 6 da marz cumainzan ils gös d’inviern paralimpics in Italia. La Svizra vain rapreschenteda da nouv atlets ed atletas. Traunter els eir il biatlet e passlunghist da l’Engiadina Luca Tavasci.

Ils gös paralimpics haun lö dals 6 fin ils 15 da marz 2026 e que daro 79 decisiuns da medaglias. Ils atlets e las atletas as imsüran illas disciplinas para ski alpin, para biatlon, para passlung, para hockey, para snowboard e curling i’l s-chabè cun roudas. Las cumpetiziuns haun lö a Cortina, a Tofane, a Milaun ed a Tesero illa Val di Fiemme.

La Svizra es rapreschanteda in quatter da las ses disciplinas. Dals nouv atlets piglian tschinch per la prüma vouta part a gös paralimpics.