Pers pervi dad ina suletta vusch

Il politicher grischun aveva pretendì ch‘il suveran svizzer voteschia davart l’iniziativa da cumpass anc avant che las novas cunvegnas bilateralas cun l’UE vegnian a l’urna. La raschun: L’iniziativa da cumpass pretenda il dubel GEA per contracts internaziunals. Tar in GEA a l’iniziativa da cumpass, stuessan perquai pli tard tar las novas cunvegnas bilateralas ir d’accord tant ils votants e las votantas sco era la maioritad dals chantuns.

Tuttas cusseglieras e tuts cussegliers da la Chombra pitschna èn stads preschent durant la decisiun davart la moziun Schmid. Gliez è darar il cas. Dals 46 parlamentaris han 45 votà. Stefan Engler sco president da la chombra pitschna n’ha betg vuschà. Sco president votescha el be tar ina paritad da vuschs.