Contribuziun chantunela pel proget «InnHub»

Tar il center d’innovaziun InnHub La Punt illa vschinauncha da La Punt Chamues-ch as tratta que, scu cha la regenza grischuna ho comunicho gövgia, «a reguard la grandezza e la realisaziun architectonica d’ün proget da fabrica extraordinari». Cha’l center d’innovaziun dess collier umauns e spordscher spazi scu eir temp per co-creaziun, innovaziun e transfurmaziun per organisaziuns cun ün’innovaziun, impraisas, persunas che lavuran a distanza e giasts da work-shop. Il center cumpigliaro traunter oter chambras d’hotel, abitaziuns secundaras explotedas, ün restorant, localiteds per dietas, indrizs da sport e da wellness ed üna butia da sport. L’avertüra es planiseda düraunt il quart quartal 2028. Cha’l proget saja calculo cun cuosts d’investiziun da 117,5 milliuns francs, comunichescha la Regenza.