Sanadura elegia cussagl da sandet

Desch dad ündesch vschinaunchas da la regiun dal provedimaint da sandet Engiadin’Ota haun accepto cleramaing la ledscha davart l’organisaziun da dret public Sanadura. Ch’uscheja dvainta la nouva organisaziun purtedra concreta, scriva la Sanadura in sia comunicaziun da pressa da marculdi ed infuorma ch’ella hegia elet ün cussagl da sandet. Da quel faun part rapreschantantas e rapreschantants da tuot las vschinaunchas purtedras: Jörg Meyer, Segl.; Daniel Bosshard, Silvaplauna; Isabel Wenger, San Murezzan; Nadia Höhener Puorger, Puntraschigna; Cristina Fasol Cerutti, Schlarigna; Alice Bisaz, Samedan; Ladina Christoffel, Bever; Enrique Steiger, La Punt; Ruet Ratti, Madulain; Paolo Bernasconi, S-chanf. Scu presidenta dal cussagl da sandet es gnida eletta Nadia Höhener-Puorger.

Siand cha la vschinauncha da Zuoz ho spusto sia decisiun sün ün termin brich cuntschaint nu vain la vschinauncha per intaunt integreda illa structura a l’organisaziun purtedra. Fin tar la decisiun correspundenta nun es Zuoz commember dal cussagl da sandet e neir na partecipo a la concepziun dal provedimaint da sandet regiunel. 

Siand cha la vschinauncha da Zuoz ho spusto sia decisiun sün ün termin brich cuntschaint nu vain la vschinauncha per intaunt integreda illa structura a l’organisaziun purtedra. Fin tar la decisiun correspundenta nun es Zuoz commember dal cussagl da sandet e neir na partecipo a la concepziun dal provedimaint da sandet regiunel.

Il cussagl da sandet ho elet ils duos prüms commembers pel cussagl administrativ da la Sanadura: Barbara Aeschbacher da Segl ed Andrea Fanconi da Schlarigna chi’d es president ad interim. Las ulteriuras commembras e commembers dal cussagl administrativ gnaron elets, subit cur cha’l process da recrutaziun es a fin. Da quel cussagl faron part persunas dal fat dad economia e sandet. 

Intaunt ho il cussagl administrativ surdo la direcziun operativa dals centers d’attempos e da la Spitex a l’interpraisa Casea SA.