Trais blessos tar accidaint

In mardi saira ho que do sülla via dal Pass dal Güglia ün accidaint individuel. Tar quel sun gnieus blessos tuot ils passagers. Scu cha la Pulizia chantunela ho comunicho d’eira ün automobilist taliaun in viedi cun duos passagers sülla via naziunela N3 in direcziun da Silvaplauna. In üna stüerta a dretta ho’l pers la controlla da sieu veicul ed es collido a schnestra cun la saiv directiva. Zieva var tschient meters cun ulteriuras collisiuns s’ho l’auto fermo in direcziun dal Güglia Ospiz. Il manaschunz e’ls duos passagers haun subieu blessüras leivas fin mezzaunas. Il Salvamaint Engiadin’Ota ho mno ad els a Samedan in l’Ospidel d’Engiadin’Ota. In acziun sun stos quatter pumpiers dal corp Trais Lejs Segl-Silvaplauna scu eir trais collavuratuors da l’Uffizi da construcziun bassa. Il veicul demolieu totelmaing es gnieu transporto davent. Il motiv per l’accidaint sclarescha la Pulizia chantunela dal Grischun.