«Primavera» cun 40 fatschentas ed ideas per nozzas

Sillas visitadras ed ils visitaders dalla «Primavera» a Glion sonda, ils 11 d’avrel 2026 spetga in vast program. Dallas 10.00 entochen las 17.00 presentan varga 40 fatschentas da Glion e contuorn lur purschida.

Per nozzas e giubileum

Sco Surselva Turissem SA scriva en ina communicaziun als mieds da massa duein ideas pil di da nozzas preparar las visitadras ed ils visitaders sin quei di particular. Ellas localitads dil coworkings, gest all’entrada dil Städtli, presentan Fluras Calamandrin ed il coiffeur Hoorschniideri Nina Caveng concepts creativs per nozzas e fiastas. «Cullas ideas da nozzas creein nus in camp d’aventuras supplementar», di Alice Bertogg, menadra dil post d’informaziun da Surselva Turissem a Glion. In ulteriur accent ei il giubileum da 15 onns Expert Surselva. Quel vegn festivaus el rom dalla «Primavera» cul «Café primavera» e musica da Clau Maissen e Rees Coray.

Zatgei per mintgin

Spels accents porscha la «Primavera» novas davart la moda, mobilitad, sanadad e cussegliaziun entochen l’offerta culinarica. In highlight ein ils products dalla fiera jamnila. Las revistas da moda, exposiziuns e sentupadas procuran che Glion daventa quei di in liug viv per ina e scadin. Alla «Primavera» san premis attractivs vegnir gudignai.