Andreas Moser presenta siu cudisch davart lufs, tgauns e carstgauns

Sonda, ils 4 d’avrel 2026 presenta Andreas Moser siu niev cudisch ella Medelina a Curaglia. Igl arranschament entscheiva allas 20.30. Il biolog e filmader d’animals ch’ei enconuschents sco moderatur dall’emissiun «Netz Natur» da SRF, prelegia ord sia nova publicaziun che sefatschenta dils lufs, ils tgauns ed ils carstgauns. Sco la Medelina scriva en ina communicaziun als mieds da massa ei siu cudisch ina retscherca davart ils pli novs resultats da perscrutaziun. Quels dattan ina nova glisch silla relaziun dils lufs, ils tgauns ed ils carstgauns. En quei cudisch fa Andreas Moser in excuors entochen el temps da crap. (cdm/fmr)