Ursina Caviezel demischiunescha

Per la suprastanza cumünala da Valsot es necessaria amo quist’on ün’elecziun cumplementara perquai cha Ursina Caviezel demischiunescha da quella per la fin da l’on. Quai ha la suprastanza comunichà i’l protocol da sia sezzüda als 11 marz 2026.

Ursina Caviezel es gnüda eletta l’on 2016 illa suprastanza da Valsot e davo reeletta per duos ulteriuras periodas d’uffizi dal 2020 e 2024. Intant es ella respunsabla pel departamaint da god, vias e chavas.

Ün termin d’elecziun per sia substituziun nun ha il cumün intant amo defini. (cdm/fmr)