Da viadi cun 180 enstagl 80 km/ura

Sco quei che la Polizia cantunala dil Grischun scriva en ina communicaziun als mieds da massa, ei in motociclist carraus da gliendisdis Pastgas silla via Alpsu H19 da Trun en direcziun Glion. Entuorn las 12.30 ei la spertadad dil Svizzer vegnida mesirada a Mutteins. Enstagl d’in tempo da maximalmein 80 km/ura carrava el cun 180 km/ura netto. La polizia ha frenau il motociclist e retratg siu permiss da carrar. El vegn denunziaus alla Procura publica dil Grischun. (cdm/fmr)