Mesa taxa per Bus alpin

La purschida «Bus alpin» avra lieus d’excursiun e da temp liber che fissan cuntanschibels mo cun traffic individual motorisà. Las purschidas surtut en Surselva ed en il Grischun Central, en il Parc natiral Beverin, vegnan uss optimadas. Sco che Bus alpin ha communitgà gievgia pon possessuras e possessurs dad abunaments da traffic public a partir da questa stad viagiar sin ils trajects Rabius – Runcahez ed Andeer e chavorgia da la Roffla – Fortezza Crestawald – Sufers – Lai da Vons per mesa taxa. Infurmaziuns davart la purschida dal Bus alpin cun ideas per excursiuns ed uraris en tut las 18 regiuns chattan ins sin www.busalpin.ch.