Lectura rumantscha

Pumfate, pulenta e proporz! Quai è la Lectura Rumantscha.

Pumfate tranter Mustér e Curaglia

La Svizra – il pajais dals tunnels! Savevas ti per exempel, che il tunnel da basa dal Gottard è cun 57 kilometers il pli lung tunnel da viafier dal mund? «Mo» 490 meters lung percunter è il tunnel «Las Ruinas» tranter Mustér e Curaglia. E tuttina è el central per pudair tegnair averta la via sin Pass Lucmagn e da mantegnair la traversala dal sid en il nord. La ministra dal traffic dal Grischun Carmelia Maissen ha ditg ier a chaschun dal cumenzament da las lavurs: «Nus stgaffin uschia era impurtantas premissas per il svilup economic e social da la regiun.» Pauc pli tard ha ella smatgà sin il buttun per ina gronda siglientada – pumfate!

24/7 a Sur

Tge fiss in vitg senza consum! «Ina trista chaussa», han quellas e quels da Sur pensà – ed entaifer curt temp rimnà daners per puspè avrir in consum en il vitget surmiran. „Nossa buteia“ ha avert 24 uras durant 7 dis ad emna e porscha ina gronda paletta da products.

Gronda schelta a Panaduz, Domat e Razén

Ina gronda paletta da candidats e candidatas vulessan quest onn daventar deputads u deputadas, quai cunzunt grazia al sistem d’eleger da proporz ch’è vegnì introduci avant quatter onns. Cun quest sistem han las partidas grond interess, da preschentar uschè blers candidats e candidatas sco pussaivel, perquai che mintga vusch recaltgada quinta tar la repartiziun da sezs. Per il cirquit da Razén candideschan quest onn 34 persunas per set sezs.

Bun divertiment cun la Lectura Rumantscha!