Arrestà dus engianaders tar la terza emprova
La mesadad da fanadur è a Cuira in senior vegnì engianà dad in pretendì collavuratur da banca duas giadas per passa 50 000 francs. Ina ulteriura emprova dad engianar ha pudì vegnir impedida da la Polizia chantunala dal Grischun. Dus umens èn vegnids arrestads.
Il senior dad 81 onns aveva tenor la communicaziun da la Polizia chantunala survegnì in telefon dad in incumbensà per la segirezza dad ina banca. Ch’el duaja prender daners giu da ses conto, causa che quels sajan là periclitads. Il senior ha fatg quai dus giadas e surdà en tut passa 50 000 francs. Ussa vuleva l‘engianader tenor communicaziun pretender dal senior ina terza giada daners. Quel um attempà è dentant daventà disfidus ed ha contactà la Polizia chantunala dal Grischun. En occasiun d’ina surveglianza ha quella pudì arrestar dus umens, in Kasac da 21 onns ed in Ucranais da 24 onns. Ils dus umens vegnan a stuair sa responsar davant dretgira. Ch’els sajan gia vegnids expulsads ord la Svizra, as legia en la communicaziun.
Gust da leger dapli?