Orientaziun publica davart il traffic

Venderdis, ils 28 d’uost 2026 organisescha la vischnaunca da Mustér ina sera d’orientaziun allas 20.00 ella halla Cons. Quei communichescha ella cun in flyer. Ella presenta il project per la sanaziun totala dalla Via Alpsu inclusiv passapei, canalisaziun ed illuminaziun. D’interess special astgassen las explicaziuns digl inschignier cantunal Reto Knuchel esser. El vegn ad orientar davart la situaziun dil traffic a Mustér, en special las frequenzas, il sviament ed il program da vias dil Cantun. Per la fin dall’orientaziun vegn informau davart la votaziun consultativa concernent la revisiun dalla constituziun communala. Quella votaziun ei previda ils 27 da settember 2026. (fmr/hh)