Effects negativs da las cunvegnas da pretsch?

(mc) Quai è la dumonda centrala che la fracziun burgais-democratica ha tschentà a la regenza. Era sche la fracziun burgais-democratica accentuescha ch’ella sentezieschia en tutta furma las cunvegnas da concurrenza e beneventia explicitamain ch’ils fatgs illegals vegnian sancziunads è ella da l’avis che la decisiun da la Cumco «Engiadina I» haja gì l’effect d’ina bumba en il Grischun. Er il rest da la Svizra haja survegnì l’impressiun che cugliunarias tutgian tar il mintgadi en Grischun. Damai che na tut ils cas sajan sclerids e che divers recurs sajan anc pendents avant il Tribunal administrativ federal na vul la regenza betg anc far ina bilantscha definitiva en chaussa. Quai tant pli ch’ina cumissiun parlamentara è londervi da sclerir da radent la chaussa.

Pagina 2