La prüma jada davo l’on 1951

Da Flurin ANDRY /ANR

Da l’analisa detagliada da l‘inviern 2017/18 da SLF ed L’uffizi federal resulta chi sun gnüdas giò l’on passà il mais schner 150 lavinas plü grondas. Üna da quellas es statta la lavina Quadratscha a Zernez. «Al principi da l’on passà sun gnüdas giò in nos district chi cumpiglia l’Engiadina Bassa cun Samignun e la Val Müstair diversas lavinas», disch Peder Caviezel chi maina il servezzan da lavinaS da l’Uffizi chantunal da construcziun bassa a Scuol, «sco in l’ulteriura Svizra nun haja dat neir pro no per furtüna ingünas persunas disgrazchadas.» La lavina chi til es restada in algordanza specialmaing es statta a Zernez la lavina Quadratscha: «Il motiv es cha quella d’eira gnüda giò l’ultima jada dürant l’inviern da lavinas 1951», declera’l. Eir scha l’analisa definitiva da l’inviern 2018/19 nun es amo fatta po Caviezel fingià uossa dir cha quel saja stat fich sumgliaint a l’inviern avant, «la gronda differenza es cha quist inviern nu para da schmetter.»

pagina 9