Decleraziun davart la protecziun da datas

La protecziun da la sfera privata e particularmain la protecziun da datas ans èn impurtantas. Sa basond sin l’artitgel 13 da la constituziun federala svizra e sin las disposiziuns federalas davart il dretg da protecziun da datas (LPD) ha mintga persuna il dretg da proteger sia sfera privata sco er da proteger l’abus da sias datas persunalas. Datas persunalas vegnan tractadas en moda strictamain confidenziala e na vegnan betg vendidas u dadas vinavant a terzas persunas.

Cun visitar nossa pagina d’internet ni cun leger noss e-mails arcunain nus automaticamain differentas infurmaziuns. Tschertas datas inditgais Vus tar la registraziun sezza e facultativamain. Senza quellas datas na vegnin nus betg da furnir ils servetschs dumandads. Ulteriuras datas vegnan arcunadas pervia d’andaments tecnics, p.ex. adressas dad IP.

Cun utilisar questa pagina d’internet essas Vus d’accord che nus rimnain, elavurain e duvrain las datas tenor questa decleraziun. Sche Vus n’essas betg d’accord, stuais Vus evitar l’access a questa plattafurma e betg utilisar noss servetschs.

Cookies

Nossa pagina d’internet dovra cookies. Quai èn pitschnas datotecas da text che vegnan memorisadas sin ils apparats da las utilisadras e dals utilisaders. Nus duvrain cookies per pussibilitar tschertas funcziuns e per As render pli simpla la navigaziun en l’internet. Plinavant ans servan ils cookies per analisar co che nossa pagina-web vegn utilisada.
Vus pudais bloccar generalmain ils cookies en las preferenzas da Voss navigatur u als stizzar da tut temp. Eventualmain na pudais Vus lura betg pli far diever da tut las funcziuns da nossa pagina d’internet.

Servetschs da terzs

Per questa pagina applitgain nus ils suandants servetschs da terzs:

– Mailpoet per l’administraziun dals e-mails per trametter la newsletter, indicaziuns protecziun da datas

– Freistilbox per il hosting da la pagina gasetta.ch, https://www.freistil.it/privacy

– Hostpoint per il servetsch da statistica

Transmissiun da datas a l’exteriur

Las datas persunalas registradas sur nossa pagina d’internet vegnan arcunadas sche pussaivel en Svizra. Per ademplir ils intents menziunads survart pudain nus transmetter Vossas datas er a purschiders da servetschs en lieus ordaifer la Svizra, resp. arcunar ed elavurar Vossas datas là, nua che ils servetschs da terzs sa chattan. En concordanza cun il dretg vertent pudain nus damai transmetter Vossas datas a purschiders da servetschs ordaifer il Spazi economic europeic, sche quai è necessari per l’elavuraziun da las datas descritta en questa declaraziun.

Midaments

Nus mantegnain il dretg d‘ adattar, cumplettar u midar questa declaraziun da protecziun da datas da tut temp e senza inditgar motivs. I vala la decleraziun actuala davart la protecziun da datas tenor la publicaziun sin questa pagina d‘ internet.

Per dapli infurmaziuns As drizzai a: redacziun@fmr.ch

Sche Vus vulais infurmaziuns davart Vossas datas, rectifitgar u stizzar Vossas quellas, scrivai a: redacziun@fmr.ch