Chattà per intant 
52 musicists

(anr/fa) Jachen Erni da Scuol es landervia a cumpilar ün cudesch davart l’istorgia da la musica populara in territori ladin dal 1800 fin 1950. El ha ramassà infuormaziuns da tuot l’Engiadina e Val Müstair. «Fin uossa m’esa gratià da chattar 52 musicists, per cha meis cudesch saja plü cumplet pussibel füssa grat scha persunas ch’eu nun ha amo contactà s’annunzchessan pro mai», disch il clarinettist. L’impuls da tour per mans quist proget til ha dat ün cudesch da notas dal musicist talian Rinaldo Franci (1852–1907) ch’el vaiva chattà pro la documainta veglia da seis bap. La Chapella Erni sunarà e registrarà sün ün disc cumpact quista trentina da tocs da musica populara cha Franci vaiva notà.

pagina 11