Plievgia e naiv

Situaziun generala: La zona da pressiun bassa sa mova da l’Engalterra vers la Mar dal nord e vinavant vers Danemarc e la Mar da l’ost. La Svizra sa chatta en in current d’aria umida.

Oz: Per gronda part nivlus e savens plievgia. Cunfin da naiv tranter 1100 e 1600 m s.m. Temperaturas la damaun 5 fin 9 grads, il suentermezdi 13 grads. Vents da vest e sidvest

Prognosas: Venderdi per gronda part nivlus ed en las Alps savens plievgia. Il cunfin da naiv sa sbassa da 1200 sin 900 m s.m. En las muntognas ferms vents da vest e nordvest. Sin ca 1300 m s.m. 10 fin 30 centimeters naiv.