Pli e pli surtratg

Situaziun generala: Ina zona da pressiun bassa cun blera umiditad sa mova vers las Alps.

Oz: En il nord avantmezdi per part scleridas, silsuenter pli e pli surtratg e precipitaziuns encunter saira. Naiv enfin 800 meters, la notg sin gievgia enfin 500 meters. En il sid per part sulegliv, suentermiezdi surtratg e silsuenter levas precipitaziuns. Temperaturas maximalas durant il di enfin 7 grads.

Prognosas: En il nord la gievgia variabel cun naiv e scleridas. Il venderdi fermamain surtratg ed en las Alps blera naiv. En il sid la gievgia insatge naiv, pli tard scleridas. Il venderdi variabel, en las Alps era levas precipitaziuns.