Jon Fanzun es previs sco secretari general

L’Engiadinais Jon Fanzun dess dvantar nouv secretari general dal Parti liberaldemocrat da la Svizra (PLD). Quai scriva la gazetta «Schweiz am Sonntag» sün basa dad aignas retscherchas. Jon Fanzun svess nun ha però vuglü tour posiziun in chosa invers la «Schweiz am Sonntag». 

Jon Albert Fanzun (51), oriund da Tarasp, lavura daspö trais ons sco incumbenzà special per la diplomazia da cyber aint il Departamaint federal d’affars exteriurs. Avant es el stat collavuratur persunal dal minister da l’exteriur.

Pro’l PLD haja dat quist mais plüssas müdadas: Thierry Burkhart es gnü elet sco nouv president e successur da Petra Gössi. Cun quella müdada ha eir la secretari generala actuala inoltrà sia demischiun. Scha Jon Fanzun dvainta sia successura, decidarà al cumanzamaint da november la conferenza dals presidents regiunals dal parti. (fmr/dat)